Látið karl greyið vera

Nú hefur Bobby karlinn verið til friðs síðan hann kom hingað.

Afhverju á þá að fara að gera honum lífið eithvað leitt þar sem hann augljóslega er að fíla sig á klakanum? 

 

Fyndið annars, háttvirtur þingmaður Helgi Hjörvar bankaði uppá hjá mér í gærkvöldi rétt fyrir lokasenurnar í allra síðasta The O.C. þættinum.

Ég verð að játa að ég hef ekki fylgst með neinu fyrr en núna í þessari síðustu seríu og er þetta nú bara eitt æðislegasta sjónvarpsefni sem ég hef fylgst með. Og hver annar en samfylkingin ætti að koma og trufla mig þegar þetta er nú loka loka loka þátturinn?

Þeir fá allavega ekki mitt X!

Kosningar frammundan annars... afhverju er Bobby ekki í framboði? 

Bobby Fischer óánægður með framleiðslu íslenskrar heimildarmyndar um sig

Athugasemdir

[Rúna Vala, 8.5.2007 kl. 10:00]

Málið er að hann SKRIFAÐI undir samning (og viðurkennir í þessari grein að hafa samþykkt að um sig yrði gerð mynd) og framleiðsla myndarinnar er komið á fullt skrið... það er ekkert hægt bara að hætta við sísvona

[Hjalti G. Hjartarson, 8.5.2007 kl. 10:13]

En ef að innihaldið er ekki í samræmi við það sem hann var að sætta sig við þegar þeir byrjuðu á þessu þá verða kvikmyndagerðamennirnir væntanlega að aðlaða sig að því?     

[Viktor (IP-tala skráð) 8.5.2007 kl. 13:13]

Ekki sé ég að það sé verið að reyna að gera honum lífið leitt, frekar gerir hann Sæma og aðstandendum hans lífið leitt með stöðugu áreiti og rógburði. Hann er einfaldlega vanþakklátur, greyið.

Hann sér bara djöfulinn (það sem hann kallar "CIA" eða "the dirty jews") í hverju horni.

[Hjalti G. Hjartarson, 8.5.2007 kl. 13:21]

Hvaða máli skiptir það hvað hann sér þegar það er verið að svíkja hann í "heimildamynd" sem á að vera búinn til umm hann?

Skil ekki afhverju íslenskur almenningur er svona þraungsýnn í garð útlendinga sem koma hingað, sama hvort það séu fegurðadrottningar frá Guatemala eða klikkhausar frá US and A

Láta karl greyið bara vera, þannig hefur hann verið til friðs á meðan að hann hefur verið hérna. 

[Viktor (IP-tala skráð) 8.5.2007 kl. 18:35]

Það sem ég er að segja þér er að ég tel ekki að maðurinn hafi verið svikinn við gerð þessarar myndar, heldur sé búin að búa til þá kenningu eins og svo ótalmargar aðrar: Í sínum eigin, vænissjúka huga.

Einnig má deila um skilgreiningu á hugtakinu "til friðs", hann hefur vissulega ekki sprengt neinar byggingar að okkur vitandi en hann hefur sótað og bölvað Íslendingum sem þjóð, vinum sínum og svo mætti lengi telja.

Ég er ekki að tala um neina þröngsýni gagnvart útlendingum, sjálfur vildi ég leyfa Bobby að fá ríkisborgararétt og stend við það. Varðandi stelpuna frá Gvatemala er það ekki hún sem er umræðuefnið heldur vinnuaðferðir Allsherjarnefndar

En ég sé ekki hvernig þú færð út að við séum að níðast á Fischer, fjölmiðlar hafa látið hann vera síðustu misserin þangað til hann fór sjálfur og bað RJF að birta þessa yfirlýsingu.